Respublikanın bütün orta ümumtəhsil müəssisələri üzrə şagirdlərin məlumat bazasının formalaşdırılması üzərində işlərə başlanacaq

Tələbə Qəbulu üzrə Dövlət Komissiyasında (TQDK) "Şagird-məzun elektron məlumat bazası"nın formalaşdırılmasına həsr olunmuş seminar-məşğələ keçirilib. Məşğələ barədə "İCTnews" elektron xəbər xidmətinə məlumat verən TQDK-dan bildirilib ki, komissiyanın müvafiq şöbələrinin mütəxəssisləri tərəfindən aparılan seminarda şəhər və rayon təhsil şöbələrinin nümayəndələri, əlaqələndirici şəxslər iştirak ediblər.

Seminarda iştirakçılar yeni sistem, onun iş prinsipi ilə tanış olublar: "Tədbirdə şəhər və rayonlar üzrə orta ümumtəhsil müəssisələrinin rəhbər şəxsləri, eləcə də təhsil müəssisələri üzrə əlaqələndiricilər barədə zəruri məlumatların sistemə daxil edilməsi ilə bağlı təlimat qaydaları izah edilib. Qeyd edək ki, növbəti mərhələdə respublikanın bütün orta ümumtəhsil müəssisələri üzrə şagirdlərin məlumat bazasının formalaşdırılması üzərində işlərə başlanacaq".  





HƏQİQƏT

---