«Azərenerji» ASC enerji sistemində müasir informasiya texnologiyalarının tətbiqini daha da genişləndirir

«Enerji sistemində müasir informasiya texnologiyalarının tətbiqi daha da genişləndirilir. Stansiya və yarımstansiyaları əlaqələndirən fiber-optik kabel şəbəkəsi ilə yanaşı, regional elektrik şəbəkələri və paylayıcı elektrik şəbəkələrini əhatə edən korporativ şəbəkə də mövcuddur».

"ICTnews.az" elektron xəbər xidmətinin məlumatına görə, bu fikirlər «Azərenerji» ASC-nin mətbuat xidmətinin yaydığı informasiyada bildirilir. ASC bildirir ki, hazırda onların qarşılarında duran əsas vəzifələrdən biri də bütün respublika üzrə fiber-optik kabellərin çəkilməsinin başa çatdırılması və onun dairəvi formaya salınmasıdır.

«Azərenerji» ASC vurğulayır ki, enerji sisteminin idarəetmə vasitələri şəbəkəsi enerji sisteminin ayrı-ayrı nöqtələrini yalnız fiziki birləşdirmir, eyni zamanda çoxlu sayda məlumatların (dispetçer idarəetmə sistemi, teleölçülər, mühafizə avtomatikasının məlumatları, audio-video informasiyalar və s.) ötürülməsini təmin edir.




SEYMUR

---