“Seagate Technology” şirkətinin səhmləri ucuzlaşdı

Sərt disk və məlumatların saxlanılması sisteminin İrlandiya istehsalçısı “Seagate Technology” dünən ikinci rüb üzrə hesabat verib. Nəticələr analitiklərin gözləmələrindən aşağı olub, buna görə də şirkətin səhmlərinin məzənnəsi son iki ilyarım ərzində ən aşağı olub. Şirkətin səhmlərinin qiyməti təxminən 17% aşağı düşərək 14,09 dollar olub. Buna qədər isə şirkətin qiymətli kağızları son 6 ayda daha 18% aşağı düşüb. Bu gün “Goldman Sachs” bankı sərt disk istehsalçısı qiymətli kağızların qiymətini 19 dollardan 16,5 dollara qədər azaldıb. Hesabat dövründə “Seagate” satışları 7,6% artaraq 2,86 milyard dollar olub.


cybersecurity.ru

---