Radiasiya Problemləri İnstitutunun 7 saylı Cihazların radiasiya fizikası laboratoriyasının ləğvi müzakirə edilib

AMEA Riyaziyyat və Mexanika İnstitutunda AMEA Fizika-Riyaziyyat və Texnika Elmləri Bölməsinin (FRTEB) növbəti iclası keçirilib. “ICTnews” elektron xəbər xidmətinə bu barədə AMEA-dan məlumat verilib. Akademiyadan qeyd edilib ki,

büro üzvləri və institut direktorlarının iştirak etdiyi iclası giriş sözü ilə açan FRTEB-in akademik-katibi, akademik Akif Hacıyev gündəlikdə duran məsələlər barədə məlumat verib.  İclasda bölmə institutlarında 2012-ci ildə aparılmış elmi-tədqiqat işlərinin yekunlarına dair hesabatların aparılması, AMEA Radiasiya Problemləri İnstitutunun 7 saylı Cihazların radiasiya fizikası laboratoriyasının ləğv edilməsi, institutun əməkdaşı A.Sadıqovun Birləşmiş Nüvə Tədqiqatları İnstitutuna (Dubna) göndərilməsi, institutun laboratoriya rəhbəri E.Cəfərovun “Radiasiya biologiyasına giriş” kitabının çapına icazə verilməsi məsələləri müzakirə olunub.



 
HƏQİQƏT

---