“iPad” planşetinin bazar payı üçüncü rübdə kəskin azalıb

"IDC" analitik şirkətinin hesablamalarına əsasən, "iPad" planşetinin bazar payı üçüncü rübdə kəskin azalaraq 50,4 faiz təşkil edib. Buna baxmayaraq, "Apple"-ın planşeti liderliyini qoruyub saxlayır.

"ICTnews.az" elektron xəbər xidməti "tech.onliner.by" saytına istinadən bildirir ki, "Android"-planşetlərin sayı "Samsung"un "Galaxy Tab" və "Note 10.1" qurğuları hesabına artıb.

"IDC"-nin direktoru Tom Meynelli bildirib ki, "Apple" şirkətinin göstəriciləri istehlakçıların "iPad mini" planşetinin elanını gözləməyə görə azalıb. Ona görə də 2012-ci ilin üçüncü rübündə vəziyyət "Apple" şirkətinin xeyrinə dəyişə bilər.







EMİL

---