Gözləri yormayan ekran istehsal edilib

“Semiconductor Energy Laboratory” tədqiqat şirkətinin təqdim etdiyi ekran uzunmüddətli baxış zamanı gözləri yormur.

Təqdim edilmiş panel 6,05 düym diaqonala malikdir; o, indium oksid, qallium və sink (Indium Gallium Zinc Oxide, IGZO) əsasında tranzistorların tətbiqi ilə hazırlanıb. Təsvir ölçüsü 768×1024 nöqtə təşkil edir, 1 düymdə piksellərin sayı (ppi) 212-yə bərabərdir.

Xüsusi struktur (CAAC-IGZO texnologiyası) sayəsində statik təsvirin göstərilməsi zamanı ekranın yenilənmə tezliyini adi məhsullarla müqayisədə on dəfələrlə azaltmaq mümkün olub. Bundan başqa, tədqiqatçılar bildiriblər ki, panel 5 saniyədə 1 dəfə yenilənir. Nəticədə uzunmüddətli baxış zamanı gözlər yorulmur.İşıqlandırma üçün qırmızı, yaşıl və göy işıq diodları istifadə olunur.


 
EMİL

---