Smartfonların 33 faizi “Android” platforması ilə işləyir

Amerikanın “Google” şirkəti 2012-ci ilin üçüncü rübü üzrə dərc etdiyi hesabatda "Android" əməliyyat sistemi (ƏS) ilə işləyən smartfonların dünya bazarında liderlik etdiyini bəyan edib.

“ICTnews.az” elektron xəbər xidməti “itar-tass.com” saytına istinadən bildirir ki, smartfonların 72,4 faizi “Android” platforması ilə təchiz edilib. 2012-ci ildə ötən ilin müvafiq dövrü ilə müqayisədə 20 faiz daha çox "Android"-aparat satılıb.

Cənubi Koreya nəhəngi "Samsung" 9 ay ərzində "Android" ƏS-i ilə təchiz edilmiş 55 milyon qurğu satıb. Müqayisə üçün qeyd edək ki, "Google"-un əsas rəqibi olan "Apple" şirkəti 9 ay ərzində 23,5 milyon telefon satıb. Onun aparatları “iOS” platformasında işləyir. "Garthner" şirkətinin analitikləri hesab edirlər ki, "Apple" şirkəti yeni "iPhone 5" smartfonları sayəsində dördüncü rübdə liderliyi geri qaytara bilər.





EMİL

---