Binəqədi rayonunun idarələri arasında elektron sənəd dövriyyəsinə başlanılıb

Bakının Binəqədi rayonunda “elektron hökumət”in yaradılması istiqamətində ciddi addımlar atılıb. Artıq bununla bağlı xüsusi komissiya formalaşdırılıb. “ICTnews.az” elektron xəbər xidmətinin məlumatına görə, bu fikirləri KİV nümayəndələri ilə görüşündə RİH-in sənədlərlə və vətəndaşların müraciətləri ilə iş şöbəsinin müdiri Elnur İmanov söyləyib.

O bildirib ki, rayonun idarələri arasında elektron sənəd dövriyyəsinə başlanılıb: «İkinci mərhələ kimi isə rayonun elektron xəritəsinin hazırlanması prosesinin icrasıdır. Bunun icrası ilə rayonun idarəetməsi asanlaşacaq.

Həmçinin rayon təsərrüfatının elektron xəritə ilə nəzarəti də mümkün olacaq”.E.İmanov RİH-də vətəndaşların videoqəbul məsələsinin reallaşdırılması istiqamətində layihəyə start veriləcəyini söyləyib: “Yəni icra hakimiyyətinə gəlmədən, vətəndaş icra hakimiyyətindəki Aparatın məsul şəxsləri ilə videoqəbul həyata keçirə biləcəklər. Vahid telefon məlumat xidməti də istifadəyə veriləcək”.




SEYMUR

---