“Kiber bazar günü-2012” satış rekordu qırıb

ABŞ-da “Kiber bazar günü” (internet mağazalarda bayramqabağı ən böyük endirim günü) satışların həcmi ötənilki nəticələri üstələyərək rekord təşkil edib.

“ICTnews.az” elektron xəbər xidməti “vesti.ru” saytına istinadən bildirir ki, ABŞ-da internet ticarətin liderləri “Amazon” və “eBay”  rekord göstəricilər haqqında məlumat veriblər. Bukrider və planşet kompüterlərinə daha yüksək tələbat olub. Satış zamanı onlara edilmiş endirimlər 30 dollara qədər çatıb.

ABŞ-da 500 internet mağazanın əməliyyatlarına nəzarət edən “IBM” korporasiyası elan edib ki, “Kiber bazar günü-2012” ötən illə müqayisədə 30,3 faiz daha məhsuldar olub.




 
EMİL

---