Bakıda Lütfi Zadənin irsinə həsr olunmuş elmi konfrans keçiriləcək

Dekabrın 3-5-də Bakıda Lütfi Zadə irsinə həsr olunmuş «Soft Computing» üzrə ikinci beynəlxalq elmi konfrans keçiriləcək. Açılışı Azərbaycan Texniki Universitetində baş tutacaq konfrans «Kempenski» mehmanxanasında davam etdiriləcək.

Bu barədə "ICTnews" elektron xəbər xidmətinə məlumat verən Azərbaycan Texniki Universitetinin dosenti, konfransın təşkilat komitəsinin rəhbəri Şahnaz Şahbazova bildirib ki, tədbirə dünyanın bir sıra ölkələrindən 68 nüfuzlu alim qatılacaq: «Lütfi Zadənin prezentasiyası da daxil olmaqla 13 xarici məruzəçi dinləniləcək. Tədbirə Amerika, Kanada, Rusiya, Ukrayna, Türkiyə, Yaponiya, Portuqaliya, Polşa, Macarıstan, İtaliya, İspaniya, İran, Finlandiya, Çexiya, Hindistan, Fransa, Braziliya və Belçikadan qonaqlar qatılacaq". Qeyd edək ki, birinci konfrans 2011-ci ildə may ayının 24-26-da San-Fransiskoda baş tutub və bu konfrans Lütfi Zadənin 90 illiyi ilə bağlı keçirilib. Sözügedən tədbir həmin konfransın davamıdır.Ş.Şahbazova bildirib ki, konfrans üçün təqdim olunan 128 elmi məqalədən 118-i qəbul olunub. Onun sözlərinə görə, həmin məqalələrdən 93-ü çap edilib.

SEYMUR