Botnet 47 milyon dollar “oğurlayıb”

"Zeus" platforması əsasında hazırlanmış "ağıllı" "Eurograbber" botneti (virusa yoluxdurulmuş kompüterlər qrupu) 30 milyon özəl və korporativ müştərilərin hesabından 47 milyon dollar "oğurlayıb". 2012-ci ilin əvvəlindən etibarən İtaliyada 16, İspaniyada 7, Almaniyada 6 və Hollandiyada 3 bank onun "qurbanı" olub. "ICTnews.az" elektron xəbər xidməti "vesti.ru" saytına istinadən bildirir ki, "Eurograbber" botneti "Zeus" platformasına əsaslanır. Bir çox ekspertlər 2 il bundan əvvəl bank əməliyyatları həyata keçirilən zaman informasiyanı oğurlamaq üçün xüsusi hazırlanmış bu botneti əsas İT təhdid adlandırmışdılar. "Zeus" 2012-ci ilin payızında öz "fəaliyyət" sahəsini genişləndirərək mobil qurğuları da yoluxdurmağa başlayıb. EMİL

---