Britaniyalı zərgərlər qızıl “iPhone” yaradıblar

Dəbdə olan elektron qurğuların fərdi modellərinin yaradılması üzrə ixtisaslaşmış Britaniyanın "Amosu Couture" zərgərlik markası "iPhone 5" smartfonunun lüks versiyasını istehsal edib.

"ICTnews.az" elektron xəbər xidməti "interfax.ru" saytına istinadən bildirir ki, şirkət "Gold Swarovski iPhone 5" modelini yüksək əyarlı (24k) qızılla bəzəyib, bu halda smartfonun yan elementləri və idarəetmə düyməsi 600 ədəd "Swarovski" kristalı ilə işlənilib.

Qeyd edək ki, modelin daxili yaddaşı 64 QB təşkil edir. Telefonun qiyməti 5800 dollardır. Alıcıya hədiyyə qismində dana dərisindən qoruyucu futlyar verilir.

EMİL

---