Azərbaycana mobil telefonların idxalı 28,2 faiz artıb

2012-ci ilin yanvar-noyabr aylarında Azərbaycana ümumi dəyəri 7 408,4 min dollar olan 153 662 ədəd mobil telefon idxal olunub. Bu barədə Dövlət Statistika Komitəsindən məlumat verilib.

Məlumata əsasən, 2011-ci ilin yanvar-noyabr ayları ilə (ötən il 119 782 ədəd mobil telefon idxal edilib) müqayisədə idxal olunan mobil telefonların sayı 28,2 faiz, pulla ifadədə isə bu göstərici 3 faizdən çox artıb. Ölkəyə hər ay orta hesabla 12-13 min ədəd mobil telefon idxal edilib.

Mobil telefon bazarının aylıq həcmi pulla ifadədə 600-650 min dollar təşkil edir.

---