“Samsung” tibbi texnika bazarını hədəf seçib

"Samsung Electronics" şirkəti Amerikanın "NeuroLogica" diaqnostik tibbi texnika istehsalçısını satın alıb. "ICTnews.az" elektron xəbər xidməti "vestifinance.ru" saytına istinadən bildirir ki, Koreya şirkəti sazişin qiymətini açıqlamayıb.

Press-relizə əsasən, "Samsung" bu firma üzərində tam nəzarətə sahiblənib. "Samsung tibbi tədqiqatlar bazarında yer tutmaq üçün öz ticarət markasının nüfuzundan və məişət elektronikasının yaradılması üzrə qabaqcıl təcrübəsindən istifadə etməyi planlaşdırır" – mesajda deyilir.

Qeyd edək ki, "NeuroLogica" "BodyTom" və "CereTom" kimi yığcam "KT" sistemlərinin istehsalçısıdır.

Emil Hüseynov

---