Robot-manipulyator şahmatçıyla heç-heçə oynadı

Sürətli şahmat üzrə dünya çempionu Sergey Karyakin ilə sənaye robotunun təkbətək dueli heç-heçə ilə nəticələnib. Titullu qrossmeyster idmançı ağlarla oynayıb.

"ICTnews.az" elektron xəbər xidməti Azərbaycan Milli Elmlər Akademiyasının saytına istinadən bildirir ki, yarışda robot-manipulyator bayrağın enməsinə bir neçə saniyə qalmış öz vəzirini qurban verib, rəqibə əbədi "şah" elan edib.

"ABB" (Asea Brown Boveri) şirkətinin robot-manipulyatoru 12-ci dünya çempionatının qalibinin atası, proqramçı Konstantin Kostenyuk tərəfindən hazırlanıb. Açıq partiya "CSTB" sərgisi çərçivəsində keçirilib.

Emil Hüseynov

---