“Oracle” şirkəti “Google”-dan 1 milyard dollar tələb edir

"Oracle" şirkəti 2010-cu il tarixli şikayətə yenidən baxılmasını tələb edir. Xatırladaq ki, şirkət o zaman "Java"nın "Android" platformasında qanunsuz istifadəsinə görə "Google"-u ittiham etmişdi. Hazırda iddiaçı 1 milyard həcmində kompensasiya tələb edir.

"ICTnews.az" elektron xəbər xidməti "cnews.ru" saytına istinadən bildirir ki, "Oracle" şirkəti "Java" üzərində müəllif hüququnu 2010-cu ilin yanvarında onu hazırlayan "Sun Microsystems" şirkətini 7.4 milyard dollara satın almaqla əldə etmişdi. "Java" açıq platformadır və "Google" bildirir ki, "Android" platformasında istifadə edilmiş 37 proqram interfeysi (API) "Oracle"-ın patentləri ilə qorunmur.

"Android", həmçinin açıq platformadır, buna görə "Google"-un hüquqşünaslarına görə, şirkət bu sahədə qanunvericiliyə tam riayət edir. Lakin "Oracle" əksini hesab edir. "Müəllif hüququ şeirdən tutmuş, Çin restoranında təqdim edilən menyuya qədər hər şeyi müdafiə edir – şirkətin Apelyasiya Məhkəməsinə təqdim etdiyi ərizədə bu cür qeyd edilib.

Bizim köçürülmüş hazırlamalarımız bir çox insanın gərgin əməyinin nəticəsidir".

Emil Hüseynov

---