“Micron” şirkəti dünyanın ən kiçik ölçülü “NAND” yaddaş mikroçipini yaradıb

"Micron Technology" şirkəti "NAND" fləş-yaddaş mikroçiplərinin hazırlanması üzrə əldə etdiyi son nailiyyətləri nümayiş etdirib.

"ICTnews.az" elektron xəbər xidməti "compulenta.ru" saytına istinadən bildirir ki, 128 Qbit həcminə malik "NAND" çip yaradılıb. 20 nanometr texnologiya üzrə hazırlanmış məhsulun sahəsi 146 kvadrat millimetrə malikdir.

Çiplərin fləş-brelok, həmçinin yaddaş kartlarında tətbiq ediləcəyi gözlənilir. Artıq sınaq tədarükləri başlanıb, kütləvi istehsal isə ikinci rübə nəzərdə tutulub.

Emil Hüseynov

---