Baharın Azərbaycana qədəm qoyacağı vaxt müəyyənləşib

Bu il Azərbaycan ərazisində baharın gəlişi martın 20-si Bakı vaxtı ilə təxminən saat 15:02 radələrində baş verəcək. "ICTnews" elektron xəbər xidmətinin AMEA-ya istinadən verdiyi məlumata görə, AMEA N.Tusi adına Şamaxı Astrofizika Rəsədxanasının direktoru, AMEA-nın müxbir üzvü Əyyub Quliyev martın 19-da Günəşin səmanın cənub yarımkürəsindən şimal yarımkürəsinə keçid edəcəyini deyib.

Həmin an Günəş Yerin hərəkət müstəvisi ilə Yerin ekvator müstəvisinin kəsişdiyi nöqtədə olacaq. Bu nöqtəyə astronomiyada "yaz bərabərliyi nöqtəsi" deyilir.

Günəş həmin nöqtədə olanda gecə və gündüz bərabərliyi qeydə alınacaqdır. Həmin andan başlayaraq, şimal yarımkürəsində astronomik bahar başlayır və bu, iyun ayının 21-nə qədər davam edir. Martın 19-u Azərbaycanda axır çərşənbə, fevralın 26-sı isə ilk çərşənbədir.

HƏQİQƏT

---