“Apple”, “Google”, “Mozilla”dan olan təhlükəsizlik yeniləmələri yükləyin!

Dünyanın müxtəlif İT şirkətləri öz məhsullarının kritik boşluqlarını aradan qaldıran bir sıra yeniləmələr buraxıblar. "ICTnews.az" elektron xəbər xidmətinin məlumatına görə, buna görə də "US-CERT"-in (The US Computer Emergency Response Team) mütəxəssisləri "Apple", "Google" və "Mozilla" üçün ən son yeniləmələri yükləməyi məsləhət bilir.

Əvvəllər məhz onlarda bir sıra kritik boşluqlar aşkar olunmuşdu. Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin Kompüter insidentlərinə qarşı mübarizə mərkəzi bildirir ki, "Apple"-ın proqramçıları "Mac OS X Lion v10.7", "Mac OS X Lion Server v10.7", "Mac OS X Mountain Lion 10.8", "Mac OS X v10.6.8" və "Mac OS X Server v10.6.8" bazalarında işləyən kompüterlərin təhlükəsizliyini təmin etmək məqsədilə «Java»da olan boşluğu aradan qaldırıb.

«Google Chrome»-un yenilənməsi çoxlu sayda boşluqları aradan qaldırır, o boşluqlar ki hakerlər tərəfindən istifadə olunurdu və hətta bu boşluqların köməyi ilə "DDoS" hücumlar həyata keçirilirdi.

SEYMUR