Rabitə və İnformasiya Texnologiyaları Nazirliyinin elektron xəbər xidməti
ABŞ-da ən populyar “ağıllı” telefon markası hansıdır?
“ComScore” şirkətinin araşdırmasına əsasən, cari ilin yanvarında ABŞ vətəndaşlarının 129,4 milyonu “ağıllı” telefondan istifadə ediblər ki, bu da ötən ilin oktyabr üzrə yekunu ilə müqayisədə 7% çoxdur. Amerikanın mobil aparat bazarında “ağıllı” telefonların nüfuzetmə səviyyəsi 55%-ə çatıb.
“ICTnews.az” elektron xəbər xidməti “compulenta.ru” saytına istinadən bildirir ki, “iPhone” amerikalıların ən sevimli qurğusu olaraq qalır: yanvarda onun bazar payı 37,8% təşkil edib.
“Samsung”un qurğuları ikinci yerdə qərarlaşıb. Sonrakı yerlərdə “HTC”, “Motorola” və “LG” şirkətləri yer alıb.
“Android” ABŞ-da ən populyar mobil platforma olaraq qalır: yanvarda bu əməliyyat sistemi ilə işləyən aparatların bazar payı 52.3% olub. “iOS” platformasının bazar payı isə 34,3-dən 37,8%-dək artıb.
Emil Hüseynov
11/03/13 Çap et