Hakerlər Amerika siyasətçiləri və “ulduz”larının məxfi məlumatlarını internetdə yerləşdiriblər

Hakerlər Amerika siyasətçiləri və "ulduz"larının məxfi məlumatlarını internetdə açıq girişdə yerləşdiriblər. Federal Təhqiqat Bürosu (FTB) və Los-Anceles şəhərinin polisi hadisədən xəbərdar olduqlarını bildiriblər.

"ICTnews.az" elektron xəbər xidməti "itar-tass.com" saytına istinadən bildirir ki, hakerlərin "qurban"ları sırasında ABŞ-ın birinci xanımı Mişel Obama , FTB direktoru Robert Müller, Los-Anceles şəhərinin polis rəhbəri Çarli Bek, müğənnilər Beyons və Britni Spirs, reper Cey Zi, aktyorlar Mel Gibson və Eşton Katçer daxil olmaqla, on iki şou-biznes ulduzu var.

Həmçinin ABŞ-ın sabiq dövlət katibi Hillari Klinton və vitse-prezident Cozef Bayden siyahıya düşüb, lakin onların kredit kartlarının məlumatları və ünvanları saytda yerləşdirilməyib. Məxfi məlumatlar artıq saytdan silinib.

Emil Hüseynov

---