Həmtəsisçisi vətəndaşlığını dəyişdi, amma “Facebook” əlavə 1 milyard dollar vergi ödəməkdən yaxa qurtara bilmədi

"Facebook"un banisi və direktoru Mark Zukerberq şirkətdəki payı artdığına görə əlavə olaraq 1 milyard həcmində vergi ödəməli olacaq. Xatırladaq ki, onun varidatı hazırda 13 milyard dollardır.

"ICTnews.az" elektron xəbər xidməti "hitech.newsru.ru" saytına istinadən bildirir ki, ötən ilin mayında dünyanın ən böyük sosial şəbəkəsi ilkin səhmlərini birjada yerləşdirən zaman Mark Zukerberq hər birinin qiyməti 6 sent olan 60 milyonluq səhmləri üzrə opsion sənədləşdirmək imkanı əldə etmişdi.

Hətta əgər bu səhmlər sonralar satılmasa belə, Amerika qanunvericiliyi onları pul gəlirləri kimi qeydə alır. Bu halda 2012-ci ildə Zukerberqin yalnız opsionlardan əldə etdiyi gəlir 2.3 milyard dollar olub.

Nəticədə vergi mütəxəssislərinin hesablamasına görə, Mark Zukerberq dövlətə 1 milyard dollar həcmində vergi ödəməlidir.

Xatırladaq ki, "Facebook"un həmtəsisçisi Eduardo Saverin ötən il Sinqapura gedərək vətəndaşlığını dəyişib ki, bir çox ekspertlər bunu vergi ödəməkdən yayınmaq halı kimi qiymətləndirib.

Emil Hüseynov

---