Ən çox istifadә olunan elektron xidmәtlәr hansılardır?

Məlumat Hesablama Mərkəzi (MHM) "Elektron hökumәt" portalı vasitәsilә 01.03.2013-dən 31.03.2013-ci il tarixinә qədər olan dövrü əhatə edən və әn çox istifadә olunan elektron xidmәtlәrin siyahısını açıqlayıb.

Belə ki, ən çox istifadə edilən elektron xidmətlər Dövlət Sosial Müdafiə Fondunun "Pensiya kapitalı barədə məlumat" (7638), "Məcburi dövlət sosial sığortasına cəlb olunan gəlirlər və ödənilmiş məcburi dövlət sosial sığorta haqqı barədə məlumatın əldə edilməsi" (7576), "Pensiyaçı tərəfindən məlumatların əldə edilməsi" (2239) və " Pensiya kalkulyatoru" (2076) elektron xidmətləridir. Daha sonra Әdliyyə Nazirliyinin əhaliyə təqdim etdiyi "Azərbaycan adları barədə məlumatın verilməsi" (1027), Təhsil Nazirliyinin "Diplom haqqında məlumatlar" (960), Daxili İşlər Nazirliyi "PİN-ə görə fərdi məlumatların axtarışı" (907) və "Yol hərəkəti qaydalarının pozuntusu ilə əlaqədar tətbiq edilən cərimələr və cərimə balları barədə məlumatlar"(585), Əmək və Əhalinin Sosial Müdafiə Nazirliyi "Dövlət Məşğulluq Xidməti vasitəsilə iş axtarışı" (392), Təhsil Nazirliyi "Müəllim haqqında məlumatlar" (373) xidmətləri də ən çox istifadə olunan elektron xidmətlər sırasındadır.

HƏQİQƏT

---