İnformatika üzrə Ümumrespublika Olimpiadasının finalçıları bəlli olub

Rabitə və İnformasiya Texnologiyaları Nazirliyinin, Heydər Əliyev Fondunun, Təhsil Nazirliyinin və AMEA-nın İnformasiya Texnologiyaları İnstitutunun təşkilatçılığı ilə 17 May - Dünya Telekommunikasiya və İnformasiya Cəmiyyəti Gününə həsr olunan "Ali məktəb tələbələri arasında informatika üzrə Ümumrespublika Olimpiadası"nın 14 aprel 2013-cü il tarixində ilk mərhələsi keçirilib.

Olimpiadanın ilk mərhələsində respublikanın 13 ali təhsil müəssisəsindən 48 komanda iştirak edib.

Nəticələrə görə, Olimpiadanın ikinci (final) mərhələsinə respublikanın 9 ali təhsil müəssisəsindən 28 komanda vəsiqə qazanıb.

Olimpiadanın II mərhələsi 28 aprel 2013-cü il tarixində keçiriləcək.

Qeyd edək ki, Olimpiada qalibləri Azercell və Ultra şirkətlərinin qiymətli hədiyyələri ilə mükafatlandırılacaqlar. Yarışın gedişatını www.oplimpiada.az saytından izləmək mümkündür.

---