Regionlarda telefon abunəçilərinin sayı artıb

Regionlarda telefon abunəçilərinin sayı 673 mini keçib. Bu barədə "Aztelekom" İB-dən verilən məlumatda bildirilir. Məlumatda qeyd edilir ki, birliyin xidmət ərazisində hər 100 nəfərə düşən telefonların sayı 12,2-yə, 100 ailəyə düşən telefonların sayı 58,3-ə (+0,2) çatıb.

Yardımlı, Ağstafa, Kürdəmir, Goranboy, Yevlax, Ağdaş, Zaqatala rayonlarında və Mingəçevir şəhərində ümumi tutumları 2916 nömrə olan 11 yeni EATS quraşdırılıb. Ağdaş, Astara, Göygöl, Hacıqabul, İsmayıllı və Tərtərdə 10 yaşayış məntəqəsinin fiziki xətlərlə telefonlaşması ilə əlaqədar bu məntəqələrdə istismar olunan peyk terminalları istismardan çıxarılıb.

RƏVAN

---