Azərbaycan müasir mobil texnologiyaların tətbiqi üçün əlverişli məkandır

Azərbaycan müasir mobil texnologiyaların tətbiqi üçün əlverişli məkandır. Bu sözləri mobil texnologiyaları üzrə Dünya Gənclər Forumunun iştirakçısı "KnowledgeFox Gmbh" şirkətinin təsisçisi, Avstriya Araşdırmalar Mərkəzinin nümayəndəsi Peter Bruck deyib.

P.Bruck bildirmişdir ki, Azərbaycanın ilk telekommunikasiya peykinin orbitə çıxarılması onun kosmik məkanda öz yerini tutmasına səbəb olub.

Azərbaycanda 2013-cü ilin "İnformasiya-kommunikasiya texnologiyaları ili" elan edilməsi bu sahəyə dövlət qayğısını göstərir.

Əminəm ki, Azərbaycan gəncləri bu əhəmiyyətli foruma lazımi maraq göstərəcəklər. Onlar başqa ölkələrdə tətbiq olunan mobil texnologiyaları Azərbaycanda da tətbiq etmək üçün öz bilik və bacarıqlarından maksimum istifadə edəcəklər.

---