1 milyon dollarlıq noutbuk satışa çıxarılıb

Bahalı qurğuların istehsalı ilə məşğul olan Britaniyanın “Luvaglio” şirkəti, nəhayət, 1 milyon dollarlıq noutbukunu satışa çıxarıb. 2007-ci ildə yaradılmış kompüter hazırda dünyanın ən bahalı noutbukudur.

“ICTnews.az” elektron xəbər xidməti “rbc.ru” saytına istinadən bildirir ki, noutbuk 17 düymlü xüsusi örtüklə təchiz edilmiş öz-özünə təmizlənən ekran, 128 QB həcmində sərt disk, “Blu-Ray” qurğusu və söndürmə düyməsi qismində böyük brilyantla təchiz edilib.

Noutbukun işlənib bəzədilməsində nadir rəngli qiymətli daşlar və qiymətli ağac növlərindən istifadə edilib.

Emil Hüseynov

---