İri brendlər “Google“ sosial şəbəkəsindən istifadə etmirlər

"Google"-un məlumatına əsasən, "Google+" sosial şəbəkəsində 400 milyondan çox insan qeydiyyatdan keçib və onların 100 milyonu aktivdir. Buna baxmayaraq, sözügedən sosial şəbəkə reklam kampaniyası qismində ondan istifadə edən iri şirkətləri cəlb etmir.

"ICTnews.az" elektron xəbər xidməti "tech.onliner.by" saytına istinadən bildirir ki, istifadəçilər "Facebook"da daha populyardırlar.

"Nielsen" şirkətinin hesablamasına əsasən, martda sosial şəbəkədə qeydiyyatdan keçmiş amerikalı onlaynda orta hesabla 6 saat vaxt keçirib. "Google+"-da bu göstərici 6 dəqiqə 47 saniyəyə bərabərdir.

Emil Hüseynov

---