Avstraliyadakı Azərbaycan icmasının rəsmi saytı yaradılıb
Avstraliyadakı Azərbaycan icmasının rəsmi veb-səhifəsi istifadəyə verilib. "ICTnews" elektron xəbər xidmətinin Diasporla İş üzrə Dövlət Komitəsinə istinadən verdiyi məlumata görə, bundan sonra Avstraliyadakı Azərbaycan icması ilə bağlı bütün xəbərləri bu saytda (
www.azeri.com.au ) izləmək və xəbərlərə abunə yazılmaq mümkün olacaq.
Sayt Avstraliya milli domenində yerləşir və mütəmadi olaraq yenilənəcək.
Veb-səhifədə Avstraliya-Azərbaycan əlaqələrinə həsr olunmuş ayrıca bölmə var.
Azərbaycana viza almaq, səfər etmək istəyənlər üçün məsləhətlər, ölkəmiz haqqında geniş məlumat, fotolar və xəbərlər də saytda yer alıb. Bundan əlavə, Avstraliya-Azərbaycan-Türk Dostluq Birliyinin təşkil etdiyi tədbirlər, Avstraliyada fəaliyyət göstərən "Azərbaycanın Səsi" radiosunda efirə gedən verilişlər də saytda yerləşdiriləcək.
CAHANGİR