“Windows Phone” platformasının bazar payı artır

Yeni platforma istifadəyə verməsinə baxmayaraq, “BlackBerry” şirkətinin bazarda vəziyyəti heç də ürəkaçan deyil. Bundan başqa, onun bazar payı ilk dəfə olaraq “Windows Phone”-dan (WP) aşağı olub. “IDC” analitik şirkəti bildirib ki, 2013-cü ilin birinci rübündə “Microsoft” mobil platformasının payı 3,2% olub.

“BlackBerry” platformasında bu göstərici 2.95 təşkil edib. Müqayisə üçün qeyd edək ki, 2012-ci ilin son rübündə bu göstəricilər müvafiq olaraq 2,6% və 3,2% təşkil edib.

“ICTnews.az” elektron xəbər xidməti “itc.ua” saytına istinadən bildirir ki, “WP” platforması tədricən bazar payını artırır, lakin hazırda smartfon bazarında iki “oyunçu” (Apple iOS və Google Android) var. Onların ümumi payı 92,3% təşkil edir. Bu ilin birinci rübündə smartfon tədarükünün 75%-i “Android” platformasının payına düşüb.

Emil Hüseynov

---