Nazir : «Azərbaycanda internetin qiymətləri orta əmək haqqının 2%-ni təşkil edir»

«Azərbaycanda internetin qiymətləri orta əmək haqqının təxminən 2%-ni təşkil edir ki, bu da olduqca müsbət göstəricidir».

Bunu rabitə və informasiya texnologiyaları naziri Əli Abbasov jurnalistlərə açıqlamasında deyib. Nazir bildirib ki, Azərbaycanda internetin qiymətləri kifayət qədər qəbul olunandır:

«Azərbaycanda internetin qiymətləri orta əmək haqqının təxminən 2%-ni təşkil edir ki, bu da olduqca yaxşı göstəricidir. Bu yaxınlarda Ümumdünya İqtisadi Forumu özünün qlobal hesabatında ölkələr üçün internetin inkişaf reytinqini açıqlayıb. Bu göstərici üzrə Azərbaycan dünyada 20-ci yerdə qərarlaşıb. Yəni, bu onu göstərir ki, ölkədə internet xidmətləri olduqca əlçatanlıdır».

---