“HTC” şirkəti iki SIM kart dəstəkləyən smartfon təqdim edib

Tayvanın "HTC" şirkəti iki aktiv SIM kart dəstəkləyən "Desire 600" smartfonunu təqdim edib. Aparat 1,2 QHs takt tezlikli dördnüvəli prosessor, 1 QB əməli və 8 QB daxili yaddaş, "microSD" kartları üçün slot, 8 meqapiksellik əsas və 1,6 meqapiksellik ön kameralar, 1860 milliamper/saat tutumunda çıxarıla bilən batareya ilə təchiz edilib.

"ICTnews.az" elektron xəbər xidməti "tech.onliner.by" saytına istinadən bildirir ki, "Desire 600" smartfonunda ekranın diaqonalı 4,5 düym, təsvir ölçüsü isə 540×960 nöqtədir. Aparatın ölçüləri 134,8×67×9,26 millimetr, çəkisi 130 qramdır.

Emil Hüseynov

---