London metrosu “Wi Fi” vasitəsilə internetə pulsuz giriş əldə edəcək

Britaniya rabitə operatoru “Virgin Media” bütün London metrosu ərazisində internetə pulsuz “Wi-Fi” girişin istifadəyə verilməsi üzrə işləri bitirir. Yeni şəbəkə metroda BT operatoru tərəfindən istifadəyə verilən pullu “OpenZone” şəbəkəsi ilə rəqabət aparacaq.
“Virgin Media”nın baş direktoru Neyl Berkettin sözlərinə görə, əvvəlcə şəbəkə hamı üçün pulsuz olacaq, lakin ödənişsiz internetə giriş sürəti 500 Kbit/s ilə məhdudlaşdırılacaq.
Əgər kimsə, daha yüksək sürət ilə işləmək istəsə, əlavə pul ödəməli olacaq. “Wi-Fi” vasitəsilə metroda internetə qoşulmanın maksimal sürəti 10 Mbit/s təşkil edəcək.

---