Artıq “Bank of Baku”nun müştəriləri kreditlərini “MilliÖN” terminalları vasitəsilə ödəyə bilər

Artıq "Bank of Baku" və "MilliÖN" milli ödəmə sisteminin əməkdaşlığı sayəsində bankın müştəriləri kredit ödənişlərini respublikanın bir çox şəhərlərində yerləşdirilmiş "MilliÖN"-ə aid 800-ə yaxın ödəniş terminallarında ödəyə biləcək.

"ICTnews" elektron xəbər xidmətinin banka istinadən verdiyi məlumata görə, terminallar vasitəsilə kredit ödəməsi sürətlə həyata keçirilir və istifadə qaydaları kifayət qədər sadə və rahatdır. Terminalın monitorunda müştərinin rahatlığı üçün bütün yazılı və vizual təlimatlar və məlumatlar öz əksini tapıb. Krediti ödəmək üçün öncə monitordakı "Bank xidmətləri" pəncərəsinin "Bank of Baku" bölməsini seçmək lazımdır.

Daha sonra isə hesab nömrəsi, şəxsiyyət vəsiqəsinin kodu və valyuta növünü (AZN/USD) seçmək və sonda nağd vəsaiti aparata daxil etmək tələb olunur. Ödəmədən dərhal sonra qəbzi götürmək tövsiyə olunur.

Qeyd edək ki, hazırda Azərbaycan ərazisində "MilliÖN" ödəmə sisteminə məxsus terminallar ən müxtəlif ictimai yerlərdə quraşdırılıb.Ödəmə xidmətləri pulsuzdur. "MilliÖN" terminalları həftənin bütün günləri, sutkada 24 saat ərzində işləyir. Bu sistem vasitəsilə həmçinin kommunal, internet, kabel televiziyasının ödənişi həyata keçirmək, telefona mobil balans yükləmək mümkündür. CAHANGİR

---