Hindistanda 35 dollarlıq noutbuk istehsal ediləcək

Hindistanın insan resurslarının inkişafı üzrə naziri Kapil Sibal söz verib ki, sentyabr ayının sonuna kimi təxminən 35 dollar dəyərində olan noutbuklar təqdim ediləcək.
Belə portativ kompyuterin prototipi təxminən 1 il əvvəl nümayiş etdirilib. O zaman bildirilmişdi ki, qurğu 2 Qb əməli yaddaş, “Wi-Fi” smsiz əlaqə kontrolleri və “USB” portu ilə təchiz olunub.
Bu dəfə hind naziri leptopun xüsusiyyətləri haqqında ətraflı məlumat verməyib. Kompyuterin istehsalı ilə hansı şirkətin məşğul olacağı hələ ki aydın deyil.