“Sony” şirkəti “Xperia M” smartfonunu təqdim edib

"Sony şirkəti 854×480 piksel təsvir ölçülü 4 düymlü maye kristal ekranla təchiz edilmiş "Xperia M" smartfonunu təqdim edib. Model 1 QHs takt tezlikli ikinüvəli "Snapdragon S4" prosessoru, 1 QB əməli və 4 QB daxili yaddaş, həmçinin "microSD" slotu ilə təchiz edilib.

"ICTnews.az" elektron xəbər xidməti "tech.onliner.by" saytına istinadən bildirir ki, sözügedən aparat, həmçinin "Exmor RS" sensoru ilə təchiz edilmiş 5 meqapiksellik kamera, "Wi-Fi", "Bluetooth 4.0" və "NFC" modulları ilə təchiz edilib. Satışda bir və iki "SİM" kart dəstəkləyən versiyalar olacaq.

Smartfon "Android 4.1" platforması ilə işləyir. Cihazın ölçüləri 124×62×9,3 millimetr, çəkisi 124 qramdır. İstehsalçı əmin edir ki, 1750 milliamper/saat tutumunda akkumulyator danışıq rejimində 10 saatlıq və ya gözləmə rejimində 23 gün fasiləsiz iş təmin edəcək.

Emil Hüseynov

---