2017-ci ildə qlobal bazara 1,7 milyard hesablama qurğusu tədarük ediləcək

“IDC” analitik şirkətinin qiymətləndirməsinə əsasən, 2014-cü ildə fərdi kompüter (FK), planşet və smartfonların ümumi tədarük həcmi 1,7 milyardı ötəcək. Adıçəkilən qurğuların əksəriyyəti inkişaf etməkdə olan ölkələrə tədarük ediləcək.

Analitik şirkətdən verilmiş məlumata əsasən, 2014-cü ildə Hindistan, Çin, Rusiya və Braziliyaya ümumi dəyəri 206 milyarddan çox olan 662 milyon qurğu tədarük ediləcək. “ICTnews.az” elektron xəbər xidməti “cybersecurity.ru” saytına istinadən bildirir ki, inkişaf etmiş ölkələrə təxminən 650 milyon qurğu tədarük ediləcək və onların 400 milyonu ABŞ, Böyük Britaniya və Yaponiyaya göndəriləcək. 1.7 milyard qurğunun 1.4 milyonunu planşetlər və smartfonlar təşkil edəcək.

Onların ümumi dəyəri təxminən 500 milyard dollar olacaq. FK-nin payı azalacaq: onların sayı 300 milyondan az olacaq. Şirkətin hesabatına əsasən, smartfon və planşetlərin orta qiyməti də aşağı düşür. Ötən il satılan planşetin orta qiyməti 426 dollar təşkil edib.

Xatırladaq ki, 2011-ci ildə bu göstərici 525 dollar olub. Smartfonun orta qiyməti isə 407 dollar təşkil edib.

Emil Hüseynov

---