Daha bir “Anonymous” iştirakçısı həbs edilib

“Associated Press” agentliyinin yaydığı məlumata əsasən, Ohayo ştatında “Anonymous” haker qrupunun daha bir iştirakçısı həbs edilib. O, məxfi informasiyaya, həmçinin ABŞ-ın bir sıra polis saytlarına müdaxilədə ittiham edilib.

Dərc edilmiş məlumatlara əsasən, hansısa Con Entoni Borell Yuta, Kaliforniya, Nyu-York və Missuri ştatlarının polis saytlarına hücumda günahkar olduğunu etiraf edib.

“ICTnews.az” elektron xəbər xidməti “cybersecurity.ru” saytına istinadən bildirir ki, rəsmi məlumatlara əsasən, Borell həbs cəzası müddətinin 3 ilədək azaldılması müqabilində istintaqla əməkdaşlıq etməyə razılıq verib.

Emil Hüseynov

---