“Mail.ru” portalı tamamilə öz axtarış sistemindən istifadəyə keçir

"Mail.ru" portalının mətbuat xidmətindən verilən məlumata görə, şirkət "Mail.ru" və digər layihələrinin auditoriyası üçün öz axtarış mühərrikini işə salıb.

"ICTnews.az" elektron xəbər xidməti "cybersecurity.ru" saytına istinadən bildirir ki, "comScore" analitik şirkətinin 2013-cü ilin may ayına olan məlumatına əsasən, hazırda "Mail.Ru" axtarış layihəsinin qlobal aylıq auditoriyası 39,5 milyon istifadəçi təşkil edir.

Qeyd edək ki, "Mail.Ru Group" son bir neçə il ərzində öz axtarış sistemini yaradır. Bunun üçün layihənin komandası 15-dən 200-dək artırılıb. Buna görə son 6 ayda indeksin tutumu 5-dən 10 milyard sənədə kimi genişləndirilib və axtarış sorğularının emalına bir neçə min server ayrılıb.

Emil Hüseynov

---