“Cisco” şirkətinin sabiq mühəndisi kompyuter sistemlərini “qırmaqda” ittiham edilib

“Cisco” şirkətinin keçmiş texniki mühəndisi ABŞ-da bir sıra federal cinayətlərə, həmçinin kompyuter sistemlərini “qırmasına” görə ittiham edilib. Piter Alfred-Adekay 5 bənd üzrə, həmçinin “Cisco” şirkətinin kompyuter şəbəkəsini “qırmaqda” ittiham olunub. O, şirkəti 2005-ci ildə tərk edib. Onun iştirakı ilə məhkəmə prosesinə indi Kaliforniyada San-Xose şəhərinin dairə məhkəməsində baxılır. Alfred-Adekay “Cisco” şirkətini tərk etdikdən sonra “Cisco” avadanlığının dəstəklənməsi üzrə xidmət təqdim edən “Multiven” şirkətinin əsasını qoyur. “Multiven” müəssisəsini yaratdıqdan sonra bu şirkət “Cisco”nu bazarda öz lider vəziyyətindən sui-istifadədə ittiham edərək məhkəməyə verir.
Eyni zamanda, “Cisco” şirkəti sabiq mühəndis tərəfindən öz İT sistemlərinə qeyri-qanuni giriş faktı təyin edir, belə ki o, daha əvvəl verilmiş açar-identifikatordan istifadə edib. Şirkətin ittihamına əsasən, Alfred-Adekay müdafiə olunmuş kompyuter sistemlərinə giriş üçün xidməti məlumatlardan istifadə edib. Monitorinq məlumatına əsasən, o, şirkətdən çıxdıqdan sonra ən azı 97 dəfə “Cisco” xidmətlərindən istifadə edib. Lakin ittihamın irəli sürülməsi vaxtı, o, Vankuverdə (Kanada) yaşayırdı və yerli məhkəmə ABŞ-a ekstradisiyadan imtina edib. Bu iş üzrə istintaq prosesi əvvəlki kimi davam edir. Alfred-Adekay hal-hazırda ailəsi ilə İsveçrədədir. İsveçrə hakimiyyəti, həmçinin Ştatlara ekstradisiya imkanı haqqında suala birmənalı cavab bildirməyib.

cybersecurity.ru