İnternet amerikalılar üçün ikinci xəbər mənbəyidir

ABŞ-da keçirilmiş “Gallup” sorğusuna əsasən, amerikalıların 50%-dən çoxu dünya və ölkə ərazisində baş verənləri televiziyadan əldə edirlər. İnternet-KİV və sosial şəbəkələr populyarlığına görə ikinci olub.

“ICTnews.az” elektron xəbər xidməti “lenta.ru” saytına istinadən bildirir ki, rəyi soruşulanların təxminən 55%-i deyib ki, onlar televiziyaya xəbərlərə görə baxırlar. Respondentlərin 8%-i öz səsini “Fox”, 7%-i isə “CNN” kanalına verib.

İnternetə üstünlük verənlərin (21%) 18%-i hansı onlayn-medianı oxuduqlarını dəqiqləşdirməyiblər. 2% vurğulayıb ki, onlar sosial şəbəkələrə xəbərlərə görə müraciət edir. Rəyi soruşulanların 9%-i əsas informasiya mənbəyi kimi qəzeti göstərib.

Respondentlərin 6%-i deyib ki, xəbərlərə radiodan qulaq asırlar. Yalnız 2% deyib ki, dost və tanışlar tərəfindən verilən informasiyaya etibar edirlər.

Emil Hüseynov