“Samsung”un yeni smartfonu sentyabr ayının sonunda çıxacaq

“Android” proqram platformasında hazırlanan “Samsung Hercules” kommunikatoru sentyabr ayının 26-da satışa çıxarıla bilər. “Samsung”un flaqman kommunikatoru 480×800 nöqtə kəskinlikli 4,5-düym “Super AMOLED Plus” sensor ekranına, 1 Qb əməli yaddaşa, 16 QB tutumlu fləş daşıyıcıya və “MicroSD” kartları üçün slota malik olacaq. Telefon 2 kameraya malik olacaq. Qeyd edək ki, smartfonun aparat əsasını “Qualcomm APQ8060” təşkil edir. “Samsung Hercules HSDPA” (42 Mbit/s-ə qədər) mobil şəbəkələrində işləyə biləcək. “NFC” (Near Field Communication) texnologiyası alış və xidmətləri əlaqəsiz üsulla ödəməyə icazə verəcək.