Smartfonlar üçün 3 QB-lıq yaddaş modullarının istehsalına başlanılıb

 
"Samsung" şirkəti smartfon və planşetlər üçün aşağı enerji sərfiyyatlı 3 QB-lıq yaddaş modullarının kütləvi istehsalına başlayıb. 0.8 mm qalınlıqlı modul 20 nanometr texnoloji proses əsasında yaradılmış iki qrupa birləşdirilmiş altı çipdən ibarətdir.

Sözügedən yaddaş modulunun keçirtmə qabiliyyəti 2,133 Mb/s təşkil edir.

"ICTnews.az" elektron xəbər xidməti "tech.onliner.by" saytına istinadən bildirir ki, 2014-cü ildə yeni yaddaş modulu ilə təchiz edilmiş smartfon və planşetlər işıq üzü görəcək. Həmçinin yeni yaddaş modulları mobil telefonların ölçülərini kiçiltməyə imkan verəcək.

Emil Hüseynov
 
 

---