“Yandex”in yaradıcısı İlya Seqaloviç dünyasını dəyişib

"Yandex" axtarış sisteminin həmyaradıcılarından biri və texniki direktoru İlya Seqaloviç dünyasını dəyişib.
"ICTnews" xəbər xidmətinin "www.cnews.ru" saytına istinadən verdiyi məlumata əsasən, İlya Seqaloviç iyulun 25-də 48 yaşında xərçəng xəstəliyinin qəflətən ağırlaşması nəticəsində vəfat edib.

İlya Seqaloviç və onun həyat yoldaşı Mariya xəstə və fiziki qüsurlu uşaqlara qəyyumluq edən "Deti Mariyi" xeyriyyə cəmiyyətinin yaradıcıları olublar.

Aynur Vəliyeva