Smartfonlar üçün səkkiznüvəli çip təqdim edilib

“MediaTek” şirkəti mobil qurğular üçün səkkiznüvəli prosessor təqdim edib. Tayvan şirkəti tərəfindən hazırlanmış prosessorda bütün hesablama nüvələri “Samsung Exynos 5 Octa” prosessorunda olduğu kimi hissələr üzrə deyil, eyni zamanda işləyir.

Bundan başqa, yeni çip dördnüvəli çiplərlə müqayisədə “Full HD” formatında videonun deşifrə edilməsi zamanı 18% daha az enerji sərf edir. “True Octa-Core” prosessoru haqqında başqa məlumat hələ ki açıqlanmır. Şayiələrə əsasən, onun takt tezliyi təxminən 2 QHs təşkil edəcək.

Emil Hüseynov
 
 
 

---