Dişə implantasiya edilmiş sensor həkimə sizin hərəkətləriniz barədə dəqiq məlumatlar ötürəcək

Həkim xəstədən gündə neçə dəfə siqaret çəkdiyi, qidalandığı və sairə barədə soruşa bilər. Çox güman ki, xəstə həkimə dəqiq informasiya verə bilməyəcək və nəticədə həkim səhv müalicə kursu yazacaq.

Ancaq insanın dişinə implantasiya edilmiş xüsusi sensor bütün lazımi məlumatları dəqiq qeydə alır və daha sonra onları "Wi-Fi" vasitəsilə serverə ötürür.

"ICTnews.az" elektron xəbər xidməti "computerra.ru" saytına istinadən bildirir ki, sözügedən sensor insanın nə vaxt qidalandığı, danışdığı, öskürdüyü, siqaret çəkdiyi, içki içdiyi və nəfəs aldığını 94% dəqiqliklə müəyyənləşdirir. Hazırda əlçatan olan prototip xarici batareya vasitəsilə enerji ilə doldurulur, lakin mütəxəssislər onu daxili akkumulyatorla təchiz etməyi planlaşdırırlar.

Emil Hüseynov
 

---