Müəllif Hüquqları Agentliyi “Facebook”da

 Müəllif Hüquqları Agentliyi (MHA)  öz fəaliyyətində şəffaflığı artırmaq və ictimaiyyətə daha yaxın olmaq məqsədilə “Facebook” sosial şəbəkəsində rəsmi səhifəsini yaradıb.

Bu barədə "ICTnews" xəbər xidmətinə MHA-nın mətbuat xidmətindən məlumat verilib.  MHA-dan bildirilib ki, sözügedən səhifədə müəlliflik hüququ və əlaqəli hüquqların, milli-mədəni irsimizin hüquqi qorunması barədə ən son məlumatlar, audio və videoçarxlar yerləşdiriləcək.

Səhifə vasitəsilə bütün istifadəçilərin əsərləri və əlaqəli hüquqların obyektlərinin istifadəsi və qeydiyyatı, həmçinin müəllif-hüquq sahəsi ilə bağlı digər sualları və müraciətləri cavablandırılacaq.
 
SEYMUR

---