DRİ qeydiyyatdan keçməyən radioelektron vasitələrin sayını açıqlayıb

Rabitə və İnformasiya Texnologiyaları Nazirliyinin (RİTN) Dövlət Radiotezliklər İdarəsi (DRİ) tərəfindən cari ilin 7 ayı ərzində 320 ədəd qeydiyyatdan keçməyən müxtəlif növ radioelektron vasitə (REV) aşkarlanıb.

DRİ-dən verilən məlumata görə, 441 təşkilat, müəssisə və şirkətlərdə istismar olunan radioelektron vasitələrə texniki baxış keçirilib və müvafiq qaydada aktlar tərtib edilib.

Qeydiyyatdan keçməyən radioelektron vasitələrin 14 ədədi DRİ-də qeydiyyata salınıb, 193  ədədi möhürlənib və 106 ədədin qeydiyyata salınması üçün müvafiq tədbirlər görülür.

Qeyd edək ki, dövlət qeydiyyatından keçməyən qeyri-qanuni REV istifadəçilərinə qarşı İnzibati Xətalar Məcəlləsinin pozulması barədə 44 protokol yazılıb və müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər edilib.

CAHANGİR

---