ÜDM-nin 7 faizi rabitə və informasiya xidmətlərinin payına düşüb

Azərbaycan Dövlət Statistika Komitəsi 2013-cü ilin yanvar-iyul aylarında Ümumi Daxili Məhsul (ÜDM) istehsalı üzrə hesabatını təqdim edib.

Belə ki, 2013-cü ilin yanvar-iyul aylarında ölkədə 32,3 milyard manatlıq və ya əvvəlki ilin eyni dövrü ilə müqayisədə 5 faiz çox ümumi daxili məhsul istehsal edilib. Ölkədə istehsal edilən ÜDM-nin 6,9 faizi  informasiya və rabitə xidmətlərinin payına düşüb.

Bütünlükdə ümumi daxili məhsulun əhalinin hər nəfərinə düşən həcmi 3484,7 manat (4441,3 dollar) təşkil edib ki, bu da  3,7 faiz artım deməkdir.

---