Kompüter Oyunları üzrə VIII Azərbaycan Milli Çempionatının qalibləri müəyyənləşdi

Kompüter oyunları üzrə VIII Azərbaycan Milli Çempionatı artıq başa çatıb. Birincilik uğrunda Azərbaycanın 22 rayon və şəhərindən komandalar 4 oyun qaydası üzrə mübarizə aparıblar. Gənclər və İdman Nazirliyindən bildirilib ki, final mərhələsinin nəticəsi olaraq, çempionatın qalibləri müəyyən olunublar.

Belə ki, “Super street fighter IV arcade” oyunu üzrə 1-ci yer Orxan Qaralov (Bakı), 2-ci yer Xalid Zeynalov (Bakı), 3-cü yer Məmmədov Məmməd (Zaqatala), “Fifa 13 oyunu üzrə 1-ci yer Orxan Qurbanov (Bakı), 2-ci yer Abduraxman Əliyev (Bakı), 3-cü yer Rəşad Gumbatov (Bakı), “Counter strike 1.6” oyunu üzrə 1-ci yer “Fairneyşn” komandası (Bakı), 2-ci yer “Absolut” komandası (Bakı), 3-cü yer “Breyffayf” komandası (Bakı), “Cross fire” oyunu üzrə 1-ci yer “Elita” komandası (Bakı), 2-ci yer “Azgamer” komandası (Bakı), 3-cü yer “Şpeksgaming” komandası (Bakı) qalib seçilib.

Qaliblər Azərbaycan Respublikası Gənclər və İdman Nazirliyi və “Kiber İdman Federasiyası” tərəfindən təsis edilmiş diplom və qiymətli hədiyyələrlə təltif olunublar.

Həqiqət İSABALAYEVA